Woensdag 10 Februarie kry Pasella die Valentynsgevoel. Ons maak ʼn bekostigbare ete, verkas Noordwes toe om in Bloemhof te kuier, skiet musiekvideos vir Izak Davel en Ivan Zimmerman, laat oudhedekenner Jo-Marie Rabé loer na items in die glaskaste van Randall Wicomb en Natalia Da Rocha en maak tuintonnels vir heeljaar se groente.

Dis sowaar Woensdag 6 Januarie 2010 en Pasella kry die terug-skool-toe-gees. Ons pak vier gesonde kosblikke om jou te inspireer vir vanjaar se skool- en werkeetgoed, vind uit of Randall Abrahams regtig so onverbiddelik is as wat mense dink, stap saam met Ollie Viljoen by sy skool en in sy grootworddorp, leer by gidshonde wat onvoorwaardelike liefde beteken en luister na die ritmes van die groep, Heuwels Fantasties.