|
|
 |
Woensdag 8 September vat Pasella die trekpad. Ons bewonder die vakmanskap van die Ossewaens wat die Voortrekkers oor berge en deur riviere gekry het, gaan proe aan KwaZulu-Natal se eerste Wyn van Oorsprong, stap ʼn wye draai deur die Goegap Natuurreservaat naby Springbok, maak ʼn boekrak en ʼn kis vir baie bêreplek en kuier by akteur Stian Bam se huis in die Boland. |
|
|
|
|
|
|
|
|
|
Filet in rooiwyn geposjeer
Amor Engelbrecht is nie net die vervaardiger nie, maar ook Pasella se onthaal-ghoeroe en sy deel graag haar passie vir kosmaak en onthaal met Pasella kykers. So, probeer gerus hierdie smullekker resep van haar.
(bedien 4)
Posjeer klink miskien na ʼn vreemde gaarmaakmetode as dit by vleis kom, maar dit verseker dat die vleis sappig en sag bly en trek die geur van die posjeervloeistof in. Dié vloeistof kan agterna afgekook word om ʼn heerlike sous te maak.
1 bottel goeie Shiraz of Merlot
5 lourierblare
½ bossie tiemie
½ bossie oreganum
½ bossie Italiaanse pietersielie (opsioneel)
1 e peperkorrels
2 rooirissies
4 x 200 g filette
Sout na smaak
|
Laat twee koppies water kook. Voeg die wyn, lourierblare, tiemie, oreganum, peperkorrels en rissie by. Prut 20 minute. Bind ʼn tou om die filette sodat dit hul vorm kan behou terwyl dit kook. Dompel in die pruttende vloeistof. Kook 5-6 minute vir halfrou en 8-9 minute vir mediumgaar. Haal die vleis uit en laat dit 5 minute rus. Gooi intussen die vloeistof deur ʼn sif en terug in die pan. Kook met die helfte af. Vir ʼn ryker sous, kan jy ʼn bietjie room inroer. Plaas die vleis op ʼn bord en bedruip met ekstra-suiwer olyfolie en die sous. Bedien met kapokaartappels en groente.
*Pasella neem geen verantwoordelikheid vir die akkuraatheid van resepte wat met die Google Translate-funksie vertaal word nie.
|
English version of the recipe |
|
|
|
|
|
|
|
|
|
|
|
Het jy onlangs een van ons aanbieders iewers gesien? Stuur vir ons jou foto!
› Meer oor: waar is ons aanbieders
|
|
|
|
|
|
|
|
|
| |
|
