Met ? insetsel waar ons idees gekry het oor hoe om bekostigbare dog spesiale kos te maak, het Annalize Buchanan van Annalize Caterers in die Kaap hierdie dis gedemonstreer.

(Bedien 4)

1,2 kg vis filette (gebruik 3 verskillende soorte vis)*
1 t suurlemoensap
1 e olyfolie
1 k vonkelwyn
1 k room
sout en peper, na smaak
1 rafeltjie saffraan
125 g botter
200g babaspinasie, geblansjeer

Sny die visfilette in lang repies en vleg 3 verskillende soorte visrepies saam. Steek albei kante met tandestokkies vas. Smeer met suurlemoensap en olyfolie. Plaas in ? bakpan en bak 10 minute by 180?C. Maak die sous deur die vonkelwyn te laat prut totdat die helfte afgekook het. Voeg die room, sout en peper, saffraan en botter by en prut tot stroperig en dik. Bedien die visvlegsel op die spinasie met die vonkelwynsous.

*Hoewel Noorweegse salm duur is, werk die kleurkontras baie goed. Vir dié resep is Noorweegse salm saam met koningklip en kabeljou gevleg.