Amor Engelbrecht is nie net die vervaardiger nie, maar ook Pasella se onthaal-ghoeroe en sy deel graag haar passie vir kosmaak en onthaal met Pasella kykers. So, probeer gerus hierdie smullekker resep van haar.

Maak dit vooruit – selfs ? dag vooraf – en laat in die yskas tot net voor jy dit wil bak. Die malvalekkers kan deur ? blok wit- of gegeurde sjokolade vervang word.

350 g donkersjokolade (70% kokao of meer)
50 g ongesoute botter, saggemaak
150 g strooisuiker
4 eiers
sout
1 t vanielje-ekstrak
70 g gewone meel, gesif
4 (of 8) pink malvalekkers
Rooi koekkleursel (opsioneel)

Voorverhit die oond by 200?C. Smeer jou vorms (jy kan ook ? groot kolwyntjiepan gebruik) of voer dit met bakpapier uit. Smelt die sjokolade en laat om af te koel. Room die botter en suiker saam en klop die eiers, ? knypie sout en vanielje stadig by. Voeg die meel en laaste die sjokolade by.

Verdeel in vier groterige of 8 klein vorms en druk ? malvalekker in elkeen se middel in. Jy kan ? druppel rooi koekkleursel op elke malvalekker drup om die kleur helderder te maak. Bak 12 – 15 minute. Laat effens afkoel voordat dit uit die vorms gehaal word en bedien met room of roomys. Versier met mini-malvalekkervorms.

*Pasella neem geen verantwoordelikheid vir die akkuraatheid van resepte wat met die Google Translate-funksie vertaal word nie.